الاكتئاب وفترة المراهقه

إيه معنى الشعور ده ؟
بنحس بعض الأوقات ان مزاجنا مش تمام لكن الحكاية دي مختلفة عن الإكتئاب لأن شعورك بالاكتئاب أخطر من مجرد شعور بالحزن .
فالاكتئاب مرض بيكون نتيجة لعدم التوازن الكيميائي أو الهرموني اللي بيزداد نتيجة للتعرض لمواقف ضغط شديدة أو نتيجة للعوامل الوراثية. والاكتئاب ممكن يأثر على حياة الشخص المصاب به بشكل كبير وممكن يقلب له حياته ويصبح الشخص ضعيف جسدياً وعاطفياً ومن أعراض الاكتئاب الشائعة:

• الحزن الشديد والبكاء
• الشعوربالاحباط
• فقدان الشهية
• ضعف في النشاط والطاقة
• فقد الحافز
• صعوبة في التركيز
• عدم القدرة على النوم

حاسة ان عندك اكتئاب ؟
على فكرة الخبراء بس هم اللي قادرين يكتشفوا المصابين بالاكتئاب . ولكن لو كنتي حاسة انك بتعاني من الاكتئاب يبقى ارجعي بذاكرتك لأخر اسبوعين وشوفي ..حسيتي بحاجة من الأعراض دي :

• كنتي حزينة طوال الوقت؟
• بعدتي عن كل الحاجات اللي كانت بتجذب انتباهك ؟
• كان فيه تغيرات في شهيتك؟
• بتنامي وقت طويل؟أو مش عارفة تنامي؟
• حاسة بالقلق والتوتر الشديد؟ ولا تعبانة ومرهقة على طول؟
• مش راضية عن نفسك؟
• مرتبكة ومش عارفة تاخدي قرارات؟
• عندك صداع متكرر؟
• هربتي من المدرسة أو حصلتي على درجات أقل من درجاتك المعتادة ؟
• بتبكي كتير أو سريعة الغضب؟
• حساسة بشكل كبير تجاه رفض الآخرين لك والفشل؟


كتير بيبقى مهم اننا نفرق بين الاكتئاب والقلق اللي ممكن يصيب الشباب في فترة المراهقة ، ولكن لو شعرتي ببعض الأعراض دي يبقى انتي معرضة للإصابة بالاكتئاب ..ومش عيب انك تطلبي المساعدة لأن الاكتئاب زي أي مرض محتاج لعلاج مناسب ومش هتقدري تتحملي الموضوع ده لوحدك عشان كده لازم تقولي لوالدك أو والدتك أو شخص كبير بتثقي فيه .


تحياتى بائعة الاحلام