الغيره وفترة المراهقه

الغيرة (الوحش ذو العيون الخضراء)
لو ظهرت عليكي علامات الغيرة، تأكدي أن الحزن قريب منك لأن الغيرة شعور سخيف ،فستجدين نفسك فريسة لها في البداية ابتسامة صغيرة وبعد كده هتبدأ تاكل فيكي وتسيبك حاسة بالأسف على نفسك أكتر من الأول .

وللأسف غالبا شعورك بالغيرة بيكبر جواكي وانتي مش واخدة بالك ، عشان كده لو بدأتي تحسي بالغيرة اسألي نفسك عن السبب ….


إزاي تتعاملي مع الغيرة ؟
خليكي صريحة مع نفسك واسألي نفسك عن سبب شعورك بالغيرة . هتستفيدي إيه من شعورك ده ؟ هيخليكي سعيدة ؟ و بمجرد إزالة الأفكار دي من رأسك، هتقدري تبطلي تبصي يمين وشمال وتبدأي تركزي قدام في طريق مستقبلك .

، توقفي عن مقارنة نفسك بأصدقائك في المدرسة، ممكن يكون عندهم نفس المشكلات النفسية زيك ، خليكي واثقة في نفسك وركزي أكتر على أهدافك يعني لو كنتي بتحلمي تكوني بطلة تلفت الأنظار في الألعاب المدرسية يبقى بدل ما تغيري من البنت اللي بتعلب دور القائدة، اسمعي لها كويس عشان تستفيدي منها .أو ركزي على حاجة تانية تثير اهتمامك . متخليش الغيرة تسيطر عليكي ، ركزي على الحاجات اللي تخليكي مميزة وتوقفي عن التقليل من نفسك ، دي طريقة كويسة تخليكي تحبي نفسك لأن مفيش حد فينا كامل الصفات .

إيه سبب شعوري بالغيرة ؟!
الغيرة شعور مُعقد لأنها تتكون من مجموعة كبيرة من المشاعر والأفكار والسلوكيات. أكيد كلنا شعرنا بالغيرة في وقت ما في حياتنا رغم اختلاف الأسباب وراء شعور كل منا واختلاف المشاعر التي نشعر بها.

لازم الأول تسألي نفسك إيه السبب اللي بيخليكي تحسي بالغيرة (الوحش ذو العيون الخضراء). لو شعرتي بالغيرة في بعض المواقف متحتقريش نفسك لأن كل واحد مننا ممكن يحس أحيانا بالغيرة ، وأحيانا الغيرة ممكن تبقى دافع لينا عشان نعمل مجهود عشان ننجح أكتر أو نطور شخصيتنا . لكن لو بدأت الغيرة تسيطر عليكي بشكل جنوني ناحية كل شىء وكل شخص يبقى كده عندك مشكلة كبيرة و هتلاحظي انك بدأتي تحسدي كل حاجة انتي عايزاها بس ، يعني لو حصلت صديقتك على درجات أعلى منك ،هتحسديها ..لكن ليه متغيريش شعورك ده يعني بدل ما تحقدي عليها ابدأي ذاكري اكتر عشان تحققي نجاح أكبر .



ارجو ان تكونوا قد استفدم
تحياتى بائعة الاحلام